თამაზ დაუშვილი ქართული კომპანია DIO-ს თანადამფუძნებელი, პარტნიორი და აღმასრულებელი დირექტორია. თამაზ დაუშვილი სხვადასხვა დროს მონაწილეობდა ბიზნეს გამოცდილების გაზიარებისა და სტრატეგიული მართვის პროგრამებში ამერიკის შეერთებულ შტატებსა და დასავლეთ ევროპაში. მან ასევე უმასპინძლა ბიზნესის საერთაშორისო წარმომადგენლების გუნდებს, რათა განეხილათ კომპანიის საუკეთესო პრაქტიკები და არაერთხელ იყო მიწვეული მომხსენებელი ახალგაზრდებისთვის თემაზე: “ბიზნესის წამოწყების შესაძლებლობები და საქართველოს ეკონომიკური განვითარება”. თამაზ დაუშვილის, როგორც დირექტორთა საბჭოს თავმჯდომარის როლი, მისი მრავალწლიანი გამოცდილება, სექტორის განვითარების ხედვა და ღირებულებები, კრიტიკულად მნიშვნელოვანია GCMC-ს მდგრადი განვითარებისათვის.

ივერი ქუცნაშვილს გააჩნია 20 წელიანი გამოცდილება ბიზნესის განვითარებისა და კონსულტაციის მიმართულებით სამოქალაქო ინჟინერიის, სამშენებლო და საწარმოო ინდუსტრიებში. მან Ხელი შეუწყო ხუთი წარმატებული კომპანიის განვითარებას, რომლებმაც მნიშვნელოვანი პროფესიული წვლილი შეიტანეს საქართველოში განხორციელებული სამრეწველო, ინფრასტრუქტურულ და ენერგეტიკულ პროექტებში. ივერი ქუცნაშვილმა დაამთავრა თბილისის სახელმწიფო უნივერსიტეტის ფიზიკის ფაკულტეტი, Მაგისტრატურა კი გაიარა CWRU-ში (აშშ).

დიმიტრი აბულაძე სმარტერის ბიზნეს ჯგუფის მმართველ პარტნიორი, GCMC-ის დირექტორთა საბჭოს წევრი და სამუშაო ჯგუფის – „კვლევა და განვითარების“ ხელმძღვანელია. სამშენებლო სექტორში მრავალწლიანი გამოცდილებით, თანამედროვე და ინოვაციური პროექტების ინიცირება და დანერგვა მის მთავარ საქმიანობას წარმოადგენს. GCMC-ს განვითარებაში დიმიტრი აბულაძის კონტრიბუციას სწორედ სიახლეების დანერგვა, ინოვაციური მიდგომების ინიცირება და ცნობიერების ამაღლება წარმოადგენს.